A primeira publicación recolle unha selección de fotografías con peregrinos/as ao seu paso por puntos emblemáticos do Camiño de Inverno, dende Ponferrada deica Vedra.

A Junta de Castilla y León recoñeceu recentemente o seu tramo berciano como camiño histórico, o que supón a súa equiparación coa consideración da ruta en Galicia. O Camiño de Inverno, lembran dende a Asociación, “ confórmase coma unha interensante alternativa ao camiño Francés” pola súa paisaxe e o seu interesante patrimonio cultural, entre o que destacan As Médulas e a Ribeira Sacra. Doutro lado, poñen de manifesto, entre os seus valores, a rica e variada gastronomía, coa bandeira da Festa do Cocido de Lalín,  recoñecida de Interese Turístico Internacional, e tamén o paso por catro denominacións de orixe vitivinícolas. Nesta nota, asinada polos municipios unidos, destacan que o sosego e o carácter non masificado do Camiño de Inverno favorecen o cumplimento das medidas sanitarias en tempos de pandemia. Estes factores, e tamén outros, fan que se considere a ruta como unha imprescindible nos percorridos xacobeos a partir desta primavera.

A páxina web da Asociación de Municipios del Camino de Inverno é www.caminojacobeodeinvierno.org